పవన్ కల్యాణ్ ని శ్రీకృష్ణుడిగా అభివర్ణించిన యాంకర్ శ్యామల !

తన తల్లికి న్యాయం చేసే వరకు తాను ఫిలిం ఛాంబర్‌ వదిలి వెళ్లేది లేదంటూ ప్రముఖ హీరో పవన్‌ కల్యాణ్‌ ఆగ్రహం వ్యక్తం చేసిన విషయం తెలిసిందే. ఈరోజు ఉదయం ఫిలిం ఛాంబర్ లో న్యాయవాదులతో ఆయన సమావేశమవడం విదితమే. ఈ నేపథ్యంలో పవన్ కు మద్దతు తెలుపుతూ పలువురు ప్రముఖులు పోస్ట్ లు చేశారు. తాజాగా, టీవీ యాంకర్ శ్యామల కూడా ఆ జాబితాలో చేరింది. ఈ మేరకు ఓ పోస్ట్ చేసింది. ‘శిఖండిని అడ్డుపెట్టడానికి భీష్ముడు కాదు...!!పద్మవ్యూహం పన్నడానికి అభిమన్యుడు కాదు ...!! యుద్ధం చేస్తుంది సాక్షాత్ "శ్రీకృష్ణుడే" జాగ్రత్త....!!!’ అంటూ పవన్ కల్యాణ్ ని శ్రీకృష్ణుడిగా అభివర్ణించింది.